Analisti Bushati për kreun e ri të SPAK-ut: Yuri Kim doli më e fituar se Edi Rama

Për analistin Andi Bushati, ambasadorja amerikane, Yuri Kim doli më e fituar se kryeministri Edi Rama në lidhje me procesin e zgjedhjes së kreut të ri të SPAK-ut, pasi Altin Dumani, ishte kandidati i preferuar i SHBA-ve.

Në një intervistë për Euronews Albania, Bushati nënvizoi se nga të dyja palët, Kim dhe Rama pati një tentativë për ta fituar me çdo kusht këtë garë.

Ndër të tjera, ai shtoi se kjo garë nuk ka qenë normale, pasi sipas tij, anëtarët e KLP-së nuk janë lënë të votojnë dhe të shprehen të lirë.

“Ka pasur lobing dhe presion të fortë. Ambasadorja vetë, pak ditë më parë tha që ne kemi kapur çdo anëtar të KLP-së. Pra, ka pasur një tentativë nga të dyja palët për ta fituar këtë garë për ta fituar këtë garë me çdo kusht dhe mesa duket, sot mund të themi që Yuri Kim është pak më e fituar se Edi Rama, por publiku nuk është i fituar, as me njërin, as me tjetrin.

Kjo nuk ka qenë një garë normale, nuk ka qenë një garë normale në sensin që nuk janë lënë anëtarët e KLP-së të votojnë dhe të shprehen të lirë. Mund të ketë shkuar nga lobingu, nderi tek sahantazhi  dhe presioni i palëve të interesuara. Duhet të themi që kemi një rezultatë nga ana e kërshërisë dhe ankthit, por jo surprizë për publikun, se nuk besoj se publiku edhe pas kësaj ka fituar ndonjë gjë të madhe në raport me SPAK-un dhe reformën në drejtësi”, theksoi ai.

Altin Dumani është zgjedhur kreu i ri i SPAK-ut. Dumani mori 5 vota, ndërkohë Edvin Kondili 4 vota dhe 1 votë Adnan Xholi.

Në sallë mungonte 1 nga 11 anëtarët e KLP-së që votuan për zgjedhjen e kreut të ri të SPAK-ut.

Dumani i cili do të zërë vendin e Arben Krajës që nga e hëna e 19 dhjetorit, do të jetë në krye të SPAK-ut për 3 vitet e ardhshme.

LEXONI GJITHASHTU

• ‘Diçka ndryshoi kur mbërriti Kim’, Bushati flet për zgjedhjen e kreut të SPAK-ut
• Altin Dumani zgjidhet kreu i ri i SPAK
• Kondili habit KLP-në: Nëse zgjidhem drejtues, s’do i lë dosjet që kam nën hetim