Analisti: Sinjalet që po jep Vuçiç! Çfarë po planifikon Serbia

Analisti nga Kosova Ylli Hoxha, ishte i ftuar këtë të enjte në Euronews Albania, ku komentoi zhvillimet e fundit në rajon mes Kosovës dhe Serbisë.

Hoxha tha se nisur dhe nga deklarimet në Senatin Amerikan, të kreut të Komandës amerikane në Europë, Gjeneralit Christopher Cavoli, është e qartë se ka të dhëna se Serbia po planifikon diçka në Kosovë.

Analisti tha se në optikën e tij pritet të ketë një eskalim të situatës dhe tregues i kësaj janë qëndrimet e Beogradit kundër planit për normalizimin e marrëdhënieve.

Hoxha i bëri apel Perëndimit që të japë një përgjigje të ashpër ndaj Serbisë në mënyrë që të vijojë rrugëtimi euro-atlanit për të gjitha vendet e tjera të rajonit.

“Nuk mendoj se komentet e komandantit amerikan Cavali, të bëra gajtë raportimit në senat janë naive, besoj se bazohen në të dhëna reale të cilat inteligjenca amerikane i posedon. Mendoj se flitet për një rrezik eminent nga Republika e Serbisë, e cila ka shfqur këto tendenca qysh nga Banjska. Retorika ka qenë aty. Unë besoj se jemi pranë një eksalimi të mundshëm. Serbia e ka treguar hapur se nuk është e interesuar të ecë qoftë në zgjidhjen e problemit për normalizimin e raporteve me Kosovën qoftë në integrimin euroatlantik. Të dyja sfidat që komuniteti ndërkombëtar i ka vendosur Serbisë ka një përgjigje negative dhe sabostuese dhe ndaj kësaj duhet të ketë një përgjigje më të ashpër ndaj Serbisë, duke e ndëshkuar atë dhe duke i hapur rrugën integrimit të pjesës tjetër të Evropës”, tha analisti.

LEXONI GJITHASHTU:

• Komandanti i lartë amerikan: Kosova ka nevojë për forca të armatosura dhe armatim
• “Aleatë ngrini zërin”- Osmani: 5 policët tanë po mbahen peng nga një shtet shovinist
• Ndalimi i policëve nga Serbia, Sveçla: Sulm ndaj pjesëtarëve të komunitetit serb