Ancelotti lë Neymarin jashtë listës së kombëtares, kritika për futbollistin

Neymar nuk do të luajë në dy ndeshjet e radhës për kombëtaren e Brazilit, ky është vendimi i trajnerit Carlo Ancelotti, i cili vendosi të mos e thërrasë sulmuesin. Një vendim që nuk u prit mirë nga vetë lojtari, që më herët deklaroi se ishte në formë optimale, por edhe nga tifozët, të cilët e shohin si idhull dhe simbolin e Seleçao.

Tekniku italian bëri edhe sqarime sa i përket këtij vendimi, duke thumbuar Neymar, sa i përket përkushtimit të tij.

“E pranova kritikën e Neymar-it si diçka normale, është e vërtetë, ishte një vendim teknik. Unë kërkoj lojtarë 100%. Para se të thërrasim dikë, vlerësojmë jo vetëm cilësinë e tij, por edhe formën e fundit, gjendjen fizike dhe problemet që mund të ketë pasur. Kushti fizik është një faktor shumë i rëndësishëm për ne. Ndonjëherë është më mirë të marrësh një lojtar me më pak teknikë, por që është në formë maksimale dhe i përkushtuar ndaj skuadrës”, deklaroi në konferencën për shtyp 66-vjeçari.

Neymar nuk ka qenë i pranishëm në kombëtare në periudha të ndryshme, ku shkak janë bërë dëmtimet e njëpasnjëshme.

LEXONI GJITHASHTU:

• Ish-trajneri i Real Madridit, Carlo Ancelotti, dënohet me një vit burg në Spanjë
• Ancelotti merr fitoren e parë, Brazili kualifikohet në Botëror