Andi Bushati: Kim për drejtuesin e ri të SPAK, si çilimi që i kanë vjedhur lodrën

Analisti Andi Bushati tha në “Now me Erla Mëhillin” se teksti i kryeministrit Edi Rama referuar përzgjedhjes së kreut të ri të SPAK e reflekton atë si burrë shteti. Ndërkohë, sipas Bushatit teksti i ambasadores Yuri Kim duket si ai i një çilimiu që qan se i kanë vjedhur lodrën.

“Pra, kush është thelbi? Ne kemi nga njëra anë zonjën Kim që thotë se manipulojnë KLP-në, do zgjedhin njeriun e tyre nga SPAK-u, po kjo zonja na ka thënë që këta janë heronjtë e fëmijëve tanë, këta të SPAK-ut, pra nga këta heronjtë kudo të kapi dora prapë mirë del, duhet të ishte normalisht,” – u shpreh Bushati.

Ai kujtoi se KLP-ja ka qenë një nga sukseset e reformës në drejtësi e mbështetur dhe financuar nga arkitektët amerikanë.

“Nëse kjo reformë në drejtësi është histori suksesi pse paskan merak këta sot se po u manipulonka nga njerëz që duan të pengojnë drejtësinë, pra nuk ka sens ajo që thotë ambasadorja në lexim sipërfaqësor,” – sqaroi Bushati.

LEXONI GJITHASHTU:

• Salianji: Si po ja ul Rama vlerën ambasadores Yuri Kim 
• Gazetari zbulon emrat: Kë preferon Yuri Kim dhe Edi Rama për kreun e SPAK-ut