Bushati: Pse Rama s’i trembet protestës dhe pse dhuna është zgjidhje

Analisti Andi Bushati thotë se Edi Rama nuk i trembet protestës së opozitës pasi i ka në dorë të gjitha pushtetet.

Në emision Now në Euronews Albania, Bushati u shpreh se protestat kanë vlerë në një sistem demokratik ku mund të thyesh edhe ndonjë xham apo të shash edhe qeverinë, por jo në Shqipëri ku të nesërmen çdo gjë vijon njësoj.

Sipas tij, një pjesë të ‘meritës’ në këtë vetësiguri të Ramës e ka edhe media.

“S’ka asnjë arsye që t’i trembet protestës. Protestës mund t’i trembet Macron. Protesta kanë vlerë në një sistem demokrat ku mund të thyesh edhe ndonjë xham, të shash edhe qeverinë por pjesa tjetër e shoqërisë do funksionojnë njësoj të nesërmen. Një njeri që i ka të gjitha valvulat e shoqërisë në dorë s’i trembet asgjëje. Ka disa arsye pse Rama s’e ka frikë protestën se televizionet do t’i shtojnë qilima. Në një vend ku një njeri i kontrollon të gjitha nuk ka frikë nga protestat”, tha Bushati.

LEXONI GJITHASHTU:

• A do dalësh në protestë? Flet Andi Bushati
• Kryemadhi: Shqiptarët i tradhtova unë e Basha, jo Berisha e Meta