Andy Cowell emërohet CEO i Aston Martin

Ish-shefi i Departamentit Teknik të Mercedes emërohet si Drejtori i Përgjithshëm te Aston Martin. Andy Cowell zëvendëson në detyrën e re, Martin Whitmarsh.

Ai mbikëqyri ndërtimin e motorit hibrid V6 që fitoi 6 tituj për konstruktorë përpara largimit në vitin 2020. Ai do të bashkohet më 1 tetor me Aston Martin, kur do të marrë detyrën nga Martin Whitmarsh që largohet përpara fundvitit.

Njoftimi është pjesë e procesit të Aston Martin për t’u shndërruar në një skuadër kampione e botës në përpjekjet e Lawrence Stroll që do të shtojë edhe një tunel të ri ere në selinë e skuadrës. Mbërritja e një guru-je si Cowell ndodh në kohën e duhur në prag të partneritetit me prodhuesin japonez Honda për vitin 2026.

Martin Whitmarsh ishte njeriu që afroi Andy Cowell te Mercedes HPP në vitin 2004 i cili më pas u shndërrua në Drejtorin e Menaxhimit mes viteve 2013-2020. Ai pritet të jetë një aset për Aston Martin Aramco me një kontribut sinjifikativ në ekzekutimin e strategjisë sipas rregullave të reja për vitin 2026.

LEXONI GJITHASHTU:

• Formula 1 zbarkon në Monako
• Formula 1, Italia rrezikon të humbasë një garë