F1 | Lajmi i fundit

Anglezi zbret ne Bolonja, Newey te Ferrari?

17 Prill 2024 | 13:20

Adrian Newey u shfaq ditët e fundit në Itali. Dizenjatori më i suksesshëm e rrjedhimisht më i kërkuar në industry është subjket i ofertave nga Ferrari dhe Aston Martin. Në një kohë që lufta për drejtimin e Red Bull po zhvillohet pas kuintave, Newey është kandidat për tu larguar, ashtu si Dr Helmut Marko dhe madje edhe Max Verstappen.

Së fundmi 65 vjecari Newey ka një raport të krisur edhe me Christian Horner. Kontraktualisht Newey është i punësuar te Red Bull deri në vitin 2026 por situata mund të ndryshojë shumë shpejt. Për ambjentin në Formula 1, të humbasësh Newey’n për Red Bull do të jetë njësoj si të largojë Max Verstappen.

Që Ferrari ka një ofertë të hapur për të kjo dihet prej kohësh, por anglezi e ka refuzuar për shkak se nuk dëshiron të shpërngulë familjen në Itali. Por mbyllja e karrierës në skuderinë historike të cirkuiteve do të ishte kurorëzimi i një historie në Legjendë.

Dhe këtë herë duket se Newey po e mendon seriozisht dhe ditët e fundit ka zbritur në aeroportin e Bolonjës, vetëm 1 orë larg selisë së Ferrarit. Nëse italianët krijojnë binonim Newey-Hamilton për vitin 2025 e në vazhdim, atëherë një epokë e re alla Michael Schumacher do të shfaqet sërish në cirkuit.

LEXONI GJITHASHTU: