Formula 1, zv.ministri zbulon projektin: Duhet të kemi pilot me flamurin shqiptar

Zëvendës ministri i Ekonomisë, Kulturës dhe Inovacionit, Sokol Duma tha në emisionin Now në Euronews Albania se Shqipëria do të përpiqet që Formula 1 të organizohet në vendin tonë, megjithëse sipas tij, konkurrenca është e madhe.

Ai u shpreh se Automotopark është menduar edhe si një bazë për të zhvilluar disiplinën e motosportit tek të rinjtë në vendin tonë.

Qëllimi, sipas zv.ministrit, është që një ditë të kemi një pilot që të mbarti flamurin shqiptar dhe të garojë në një kampionat të madh.

“Automotopark është menduar edhe për të zhvilluar këto disiplina, duke filluar nga kartingu por jo vetëm në automobilizëm, në tërësi motosporti edhe në motoçiklizëm. Qëllimi është që nëpërmjet akademive të formimit të pilotëve  të rinj, të nxjerrim dhe evidentojmë talente që të na përfaqësojnë në kampionate ndërkombëtare. Aktualisht kemi 2-3 talente shqiptare, por prapë talente sporadike që janë rritur jashtë Shqipërisë, ndër ta është Lirim Zendeli. Automotopark do të shërbejë si bazë për të rritur këto talente, qëllim është që një ditë të kemi një pilot që të mbarti flamurin shqiptar dhe të garojë në një kampionat të madh”, tha ai.

LEXONI GJITHASHTU:

• Klasifikimi që ndez garën e Japonisë në F1
• Fidel Ylli zbulon pasionin: Jam anëtar i klubit të Ferrarit, paguaj 4 mijë $ në vit