Animalistja kundër Erdogan: Qentë shpëtuan jetë gjatë tërmetit, mos të vriten

Aktivistja dhe animalistja Jonida Çobani Gjoka  tha në “Good Morning Albanians” në Euronews se Turqia do të jetë e mallkuar në rast se aprovon ligjin për vrasjen e qenve të rrugës.

Ajo tha se nuk ka arsye pse duhet të vritet një krijesë e cila është një kafshë shoqëruese dhe shëruese e njeriut. Gjithashtu animalistja tha se Turqia nuk duhet të harrojë që gjatë tërmetit ishin pikërisht qentë ata që shpëtuan shumë jetë njerëzish të ngelur nën rrënoja.

“Ky është një shekull tjetër, ne duhet të kalojmë përtej interesave personale. Një kafshë sot, është bashkëshoqëruese, është një kafshë shëruese. Të mos harrojmë që Turqia kaloi gjithë atë tërmet në 2023 dhe ishin qentë ata që shpëtuan fëmijë, këto fëmijë pa fund.

Pse duhet që tani ti vrasim. Erdogani ka interesat politike, fushata që ai do të fitojë me këta njerëz konservator që janë të shqetësuar në dukje”,-tha animalistja.

LEXONI GJITHASHTU:

• Erdogan: Biden dhe administrata e tij po marrin pjesë në krimet e luftës në Gaza
• Erdogan kundërshton idenë e një shteti të vetëm të Qipros