Kryeministri Edi Rama doli sot në një konferencë për mediat ku anuloi takimin që pritej të mbahej të ditën e nesërme në Gjakovë mes dy qeverive Shqipëri-Kosovë.

Euronws Albania u interesua pranë qeverisë së Kosovës, nëse ka një përgjigje për propozimin e bërë nga Rama në konferencë. Zëdhënësi i qeverisë së Kosovës, Përparim Kryeziu dha këtë përgjigje:

“Mbledhjet e përbashkëta janë ndërmarrje të madhe organizative, të cilave u paraprinë një punë e madhe e ministrive për të përgatitur atë ditë.

Nesër do të duhej të nënshkruheshin 13 marrëveshje të reja. Ato kishin synim t’i afronin ekonomitë tona, sistemet tona të drejtësisë, arsimit, kulturës, etj. Janë qytetarët ata që do humbasin më së shumti. Për fat të keq, anulimi i mbledhjes nga ana e kryeministrit Rama anuloi mundësinë për t’i nënshkruar ato.

Takimet bilaterale do të mund të mbaheshin çdo ditë tjetër. Jemi fare afër njëri-tjetrit si vende. Nuk do të ishte hera parë që do të takoheshim brenda ditës. Por është hera parë që një mbledhje e përbashkët anulohet në mënyrë të njëanshme”,-ka thënë ai.

LEXONI GJITHASHTU:

• Bushati: Sot hymë në fazën e fundit Rama-Vuçiç për të zhdukur çdo lider të Kosovës
• Anulimi i mbledhjes së dy qeverive, Përparim Kryeziu reagon për Euronews Albania