Apartamente, dyqane e parkime, i kalojnë shtetit pasuritë e të “fortit” në Vlorë

Gjykata e Posaçme e Shkallës së Parë Për Korrupsionin dhe Krimin e Organizuar ka konfiskuar dhe ka kaluar në favor të shtetit 7 pasuri të Viktor Shoraj apo personave të afërt të lidhur me të.

Konfiskimi i këtyre pasurive u bë nga Gjykata e Posaçme pas provave se këto pasuri ishin produkt i veprave penale të kryera në shtetin italian nga ana e shtetasit të mësipërm.

Vendimi ka ardhur pas hetimeve se këto pasuri janë produkt i veprave kriminale në fushën e narkotikëve.

Viktor Shorja rezulton se është person i dënuar me vendim të formës së prerë nga ana e autoriteteve italianë të drejtësisë, (Gjykata e Venecias; Gjykata e Ankonës; Gjykata e Apelit Romë; etj), për veprat penale të “Mbajtje e paligjshme e lëndëve narkotike”; “Shtrëngim për dhënie pasurie”; “Mbajtja pa leje e armëve”; “Transport dhe mbajtje e lëndëve narkotike në bashkëpunim”.  Dënimet ai i ka kryer përgjatë viteve 2000-2007 në shtetin Italian.

Pasuritë e sekuestruara:

• Apartament Nr. 7/3 (2+1), me sip. 109,03 m2, i cili ndodhet në Tiranë, në pronësi të shtetases M. Mana.
• Apartament me Nr. 6/1 (2+1, me sip ndertimi 110,36m2, i cili ndodhet në Tiranë, në pronësi të shtetases M. Mana.
• Njësia dyqan me sip ndërtimi 122m2 dhe 2(dy) poste parkimesh i cili ndodhet në Tiranë, në pronësi të shtetases M. Mana.
• Apartament me sip 52,27 m2, në Orikum Vlorë, në pronësi të shtetasit N. Toro.
• Apartament me me sip. 54.50 m2, në Orikum Vlorë, në pronësi të shtetasit Naim Toro.
• Pasurinë e llojit “ndërtesë”, me sip. 134 m2, Lagja “Uji i Ftohtë”, Bashkia Vlorë, në pronësi të shtetasit N. Toro.

LEXONI GJITHASHTU:

• E rëndë| 17-vjeçari shqiptar masakrohet me thikë nga bashkëmoshatari
• Kapje e 850 mln euro kokainë në Itali, kush është 35-vjeçari shqiptar i arrestuar