Apeli i GJKKO-së shqyrton ankesën e Ajola Xoxës për sekuestron e sendeve
Gjykata e Posaçme e Apelit kundër Korrupsionit dhe Krimit të Organizuar (GJKKO) shqyrton këtë të mërkurë një tjetër ankim të bërë nga Ajola Xoxa, bashkëshortja e kryetarit të Bashkisë së Tiranës, Erion Veliaj ndërsa vendimi pritet të shpallet sot në orën 15:00.
Ankesa lidhet me sekuestron e disa sendeve të cilat janë bllokuar nga SPAK më 6 dhjetor të vitit 2024 gjatë kontrolleve në galerinë Harabel dhe në zyrën juridike “Partners Law” ku gjithashtu u sekuestrua dhe një telefon.
Vendimi për sekuestron është marrë fillimisht në dhjetor, dhe ankues në këtë proces janë Ajola Xoxa dhe shoqëria “Partners Law”.
Çështja do shqyrtohet nga gjyqtari Engert Pëllumbi pasi gjyqtarja Iliriana Olldashi ka paraqitur raport mjekësor.
“Duke qenë se gjyqtarja Iliriana Olldashi ka paraqitur aktin “Raport për paaftësinë e përkohshme në punë”, çështja nr. 53, e regjistruar më 12.02.2025 mbi ankimin e ankuesve A.X. dhe Shoqërisë Tregtare “*” sh.p.k., me objekt: “Ankim ndaj vendimit nr. 736, datë 20.12.2024, të Gjykatës së Posaçme të Shkallës së Parë për Korrupsionin dhe Krimin e Organizuar, lidhur me kundërshtimin e vendimit për sekuestrimin e sendeve”, sipas disponimit nr. 01 Prot., datë 06.01.2025, të Zëvendëskryetarit të Gjykatës, bazuar në “Listën vjetore të miratuar që përcakton gjyqtarët për gjykimet e rasteve urgjente”, i ka kaluar për gjykim trupit gjykues monokratik pasardhës, gjyqtarit Engert Pëllumbi”, thuhet në njoftimin e GJKKO.
Këtë të mërkurë në Prokurorinë e Posaçme Kundër Korrupsionit dhe Krimit të Organizuar (SPAK) janë paraqitur dhe Valbona Xoxa e ëma e Ajola Xoxës si dhe biznesmeni Gentian Sula, i cili ndodhet nën masën e sigurisë detyrim paraqitje.
LEXONI GJITHASHTU:
Kryefaqja
Në 1 gusht luan në Serbi, Kampioni Denis Buzukja: Zemra gjëja kryesore në UFC, shqiptarët e kanë këtë
Aksident në aksin Elbasan–Peqin, plagoset drejtuesi i një automjeti, shkak parakalimi i gabuar
Fraksioni i “Toyota Yaris”, kalon për gjykim dosja ndaj ish-hetueses së BKH-së Eriona Daupaj
- 17:36 Presidenca qipriote e BE-së mbështeti integrimin e Shqipërisë, Hoxha pritet nga krerët më të lartë të shtetit
- 17:20 Në 1 gusht luan në Serbi, Kampioni Denis Buzukja: Zemra gjëja kryesore në UFC, shqiptarët e kanë këtë
- 17:11 Kina kundërshton sanksionet e reja të SHBA-së ndaj Kubës
- 16:58 Aksident në aksin Elbasan–Peqin, plagoset drejtuesi i një automjeti, shkak parakalimi i gabuar
- 16:42 Numri i të zhdukurve nga tërmetet në Venezuelë po rritet, fati i 10,000 personave është i panjohur
- 16:31 Fraksioni i “Toyota Yaris”, kalon për gjykim dosja ndaj ish-hetueses së BKH-së Eriona Daupaj