Apnea e gjumit, Studimi: Nëse nuk trajtohet është shkak për alzhajmer

Apnea e gjumit, nëse nuk trajtohet, mund të bëhet shkak për Alzhajmer. Studiuesit, kanë faktuar se ndërprerjet e frymëmarrjes gjatë gjumit, ndikojnë në hipotalamus e për pasojë çon në probleme neurologjike.

936 milion persona në botë vuajnë nga apneja e gjumit, e cila është një çrregullim i ritmit të gjumit. Leidon Shapo, ekspert i shëndetit publik në Londër, gjatë një intervistë për Euronews Albania, thotë personat obez , ata që konsumojnë alkool dhe duhan janë më të predispozuar për ta patur.  

 “Është faktikisht një çrregullim i ritmit të gjumit. Pra gjatë momentit të gjumit ka një gërhitje dhe ka një pauzë, nuk kemi frymëmarrjen normale, ndalon dhe vazhdon. Ky ndalim dhe vazhdim quhet apneja e gjumit”,-tha Leidon Shapo, ekspert i shëndetit publik në Londër.

Studimi i fundit, ka çuar në përfundimin se mos trajtimi i apnesë së gjumit në kohë, mund të shkaktojnë një sërë problemesh shëndetësore përfshirë dhe alzhajmer.

 “Në rast se vazhdon gjatë dhe kronicizohet dhe kemi mbi 15 ndërprerje të tilla në orë, është mirë të drejtohemi tek mjeku pasi është vënë re që më sleep appne ka lidhje me obezitetin, diabetin tip 2 . problemet neurologjike dhe alzahjmer dhe problemet kardiovazskulare”,-tha Shapo.

Ekspertët e klasifikojnë apnen e gjumit në 3 faza, deri në 5 ndërprerje frymëmarrje në një orë, janë normale, 5-15 është apne e mesme dhe mbi 15 ndërprerje në orë quhet e apne e rëndë.