Arben Ahmetaj në SPAK. Gazetari: Nëse arrestohet, ministrave do u dridhen këmbët

Gazetari Lavdrim Lita tha për Euronews Albania se nëse arrestohet Arben Ahmetaj, ministrat e tjerë por jo vetëm ata, do të frikësohen.

Sipas gazetarit SPAK-u tashmë po futet paradhomën e kryeministrit Rama. Ai ka kujtuar se Ahmetaj ka qenë i vetmi person që mund të futej pa trokitur në zyrën e Kryeministrit duke treguar kështu afërsinë e tij me Edi Ramën.

“Nëse zoti Ahmetaj do të arrestohej, këmbët e ministrave por jo vetëm, do dridhen. Nëse SPAK hyn në paradhomën e ministrit Rama, kjo është një gjë shumë seriozë.

Në kabinetin qeveritar zoti Ahmetaj ishte i vetmi ministër i cili hynte pa trokitur në zyrën e Edi Ramës dhe ishe i vetmi person që e bënte për të qeshur Edi Ramën. Imagjinoni sa i afërt ka qenë ky person pas Saimir Tahirit në qeveri dhe në këto momente është pishmani i tij i dytë”,-tha Gazetari Lavdrim Lita.

LEXONI GJITHASHTU:

• Arben Ahmetaj nën hetim nga SPAK, gazetari: Ja pse nuk reaguan Berisha dhe Meta
• Gazetari Hajrullahu: Njerëzit në Kosovë janë të lodhur nga dialogu me Serbinë
• A do arrestohet Ahmetaj? Juristja shpjegon çfarë po ndodh pas dyerve të SPAK