Argita Malltezi: Si u transformua Altin Dumani dhe 1 histori nga e shkuara

Vajza e ish-kryeministrit Sali Berisha ishte këtë të hënë në “Now me Erla Mëhillin” në Euronews Albania, ku tha kreu i SPAK, Altin Dumani ka pësuar një metamorfozë në mënyrën se si ai përballet para presionit të politikës.

Ajo tha se dikur task-forca e drejtuar po nga Dumani ka pasur më shumë efikasitet se SPAK-u i tanishëm, e kjo sipas saj është një fakt i shndërrimit të kreut të SPAK përballë kapjes nga politika.

“Unë tregova shumë gjurmë, por gjurma kryesore janë faktet. Po të krahasosh task-forcën e drejtuar nga Altin Dumani në 2008-2009 atëherë kur Dumani nuk ishte i kontrolluar nga pushteti, sot rezultatet janë 300% më të dobëta.

Që të jem e saktë me statistikat, në 2008-2009 kanë qenë 630 zyrtarë të gjykuar vetëm për korrupsion. Në vitet 2022-2023, ishin 199 për korrupsion dhe krim të organizuar. Stafi që ka pasur task-forca në atë kohë, është i pakrahasueshëm forcën që ka sot. Është metamorfoza e Dumanit përballë presionit dhe kapjes politike, ajo që ka ndryshuar”,-tha Malltezi.

LEXONI GJITHASHTU:

• “Ke 10-ra zyrtarë të PS në burg”, Iljazaj-Malltezit: Ka arrestime në nivele të larta
• “Çfarë më tha babai para vendimit?”, Argita Malltezi përballë Arian Çanit