Arian Çani: Belinda krah i djathtë i Ramës, do jetë me të sa të jetë ai në pushtet

Gazetari Arian Çani tha në “Now me Erla Mëhillin” në Euronews Albania se kreyministri Edi Rama e konsideron zëvendëskryeministren Belinda Balluku si krahun e djathtë të tij.

Sipas Çanit ajo ka talentin e organizimit dhe do të jetë në krahun e Ramës për sa kohë që ai të jetë në pushtet, pasi ajo është ministrja më e aftë e Ramës.

“Ka ca njerëz që kanë talentin e organizimit. Belinda, të gjithë ata që e kanë njohur nga afër e konsiderojnë një femër të fortë që di t’u shkojë punëve deri në fund. Unë mendoj se kjo është arsyeja kreysore se pse sulltani, Ramsi e mban aty afër. Për mua ajo është më e afta, më e afta e gjithë pjesës tjetër të enturazhit të Ramës.

Duhet ta themi këtë gjë për të qenë të ndershëm me profesionin. Për ata që e njohin Belidna Ballukun është e tillë. Që do të jetë e përfolur… Kush është një që s’është përfolur.

Belinda për mua do jetë afatgjatë sa të jetë Rama në pushtet, se ai e ka krahë të djathtë e ka pasur që kur ka qenë kryetar bashkie. Ajo ka qenë në bashki që në fillimet e tij. Belinda ka një “background” të paparë me Ramën. Rama e di si punon Belinda, ja di pikët e dobëta e të forta”,-tha Arian Çani.

LEXONI GJITHASHTU:

• Ndryshimet në kabinet/ Krashi: Vetëm 1 njoh, ministrat të vinin nga politika aktive
• Arrestohet në Francë i shumëkërkuari Behar Bajri