Arifi: Shqiptarët e Preshevës të votojnë masivisht për të drejtat e tyre

Partitë shqiptare në Luginën e Preshevës po garojnë për herë të parë me dy lista zgjedhore me gjithsej 20 kandidatë për deputetë.

Kreu i listës Alternativa Demokratike Shqiptare, Shqipërim Arifi, ka kërkuar nga shqiptarët e Luginës së Preshevës që të dalin të masivisht të votojnë për fuqizimin e të drejtave të tyre, raporton KosovaPress.

Pasi votoi në zgjedhjet e sotme parlamentare në Serbi, Arifi, kritikoi edhe qeverinë e Kosovës për neglizhencë ndaj qytetarëve të luginës.

“Të japim një mesazh kundrejt Serbisë që neve edhe pse na diskriminoni, edhe pse na keni shkelur që 20 vjet dhe pse së fundmi na keni pasivizuar, ne dalim votojmë dhe tregojmë artin e luftës ndaj kësaj dukurie që tash e dy dekada janë duke na bërë. Unë i ftojë gjithë qytetarët gjithandej Preshevës që të votojnë dhe tregon edukatën demokratike”, tha ai.

Dy listat shqiptare për zgjedhjet e sotme parlamentare në Serbi, Arifi i konsideroi më shumë si diversitet demokratik për të luftuar dukuritë negative që hasin nga Serbia se 20 vjet.

LEXONI GJITHASHTU:

• Shaip Kamberi: Na duhen të paktën 3 deputetë në parlamentin serb
• Zgjedhjet në Serbi, shqiptarët pretendojnë të marrin mbi 3 deputetë