Arkeologët zbulojnë varrin 3200-vjeçar, mendohet se i përket 1 komandanti në Egjipt

Një ekip arkeologësh egjiptianë kanë zbuluar një varr 3200-vjeçar që besohet se i përket një komandanti ushtarak të rangut të lartë nga mbretërimi i Faraonit Ramesses III, i konsideruar shpesh si faraoni i fundit i madh i Egjiptit të lashtë.

Zbulimi i jashtëzakonshëm, i bërë në vendin Tell el-Maschuta në Egjiptin verilindor, hedh dritë mbi rolin strategjik të rajonit në mbrojtjen e kufijve lindorë të vendit gjatë Mbretërisë së Re (që përfshin afërsisht 1550-1070 pes).

Vetë varri, i ndërtuar me tulla balte, përbëhet nga një dhomë kryesore varrimi dhe tre dhoma ngjitur, muret e tyre të veshura me llaç të bardhë. Brenda, arkeologët zbuluan një grumbull artefaktesh që tregojnë statusin e lartë të njeriut të varrosur.

Ndër gjetjet më domethënëse ishte një unazë ari që mbante mbishkrimin e emrit të Ramesses III, së bashku me majat e shigjetave prej bronzi dhe një kuti të vogël fildishi – dëshmi e qartë që sugjeron se varri i përkiste dikujt me rëndësi të lartë ushtarake.