“Armë të sofistikuara që s’i ka askush në Ballkan”, gazetari: Janë prodhim serb

Gazetari Idro Seferi në një lidhje nga Beogradi me emisionin Now në Euronews Albania se armët e sekuestruara nga policia e Kosovës në manastirin e Banjaskës janë nga më të sofistikuara që nuk i ka askush në Ballkan.

Ai tha se shumica e këtyre armëve dhe kamuflazheve tregtohen lirisht në dyqanet serbe, por një sasi kaq e madhe sa ajo që u konfiskua nga policia e Kosovës nuk mund të kalonte pa u pikasur nga institucionet e sigurisë, qoftë edhe NATO.

“Një pjesë e këtyre armëve duket se janë prodhim serb. Ka dyqane në Beograd, edhe tani pse është shtrënguar me ligj, ku mund të blihen shumë lehtë këto armë, por një numër kaq i madhe është e vështirë të mos pikasen nga institucionet e sigurisë, qoftë edhe NATO apo autoritetet në Serbi që thonë se kanë qenë në dijeni që kur ka nisur të ndodhë kjo ngjarje pasi të plagosurit janë çuar në spital rreth orës 3 dhe institucionet kanë qenë në alarm për çfarë grupesh bëhet fjalë”, tha gazetari.

LEXONI GJITHASHTU:

• Sulmi ndaj policisë së Kosovës në Veri, reagon Ministria e Jashtme e Rusisë
• Franca dënon sulmin ndaj Policisë së Kosovës: I papranueshëm