Armët nga Bosnja? Gashi: Skenari i errët i Serbisë, po distancohet

Avokati Tomë Gashi tha në një intervistë për Euronews Albania se pretendimet e prokurorisë serbe se armët e përdorura gjatë sulmit në Banjskë janë marrë në Bosnjë janë të pavërteta.

Gashi u shpreh se armët dhe municionet e sekuestruara nga policia e Kosovës janë të gjitha prodhim i viteve të fundit të dala nga fabrikat e Serbisë.

“Serbët po tentojnë ta heqin përgjegjësinë, por arkat me municion që janë të identifikuara me dokumentacion për pranim dorëzim, nuk janë armatime të vjetra të mbetura gjatë luftës, por duke parë vitet e prodhimit, janë identifikuar se vijnë nga fabrikat e armatimit në Serbi. Deklaratat se armatimi ka ardhur nga Bosnja janë vetëm përralla që askush nuk mund t’i besojë. Hetimet janë kryer nga prokuroria jonë speciale dhe çdo gjë kemi gjetur e kemi ekspozuar”, tha Gashi.

LEXONI GJITHASHTU:

• Bugaiski: BE ka dështuar në dialogun Kosovë-Serbi, Lajçak të zëvendësohet
• Berisha: Rezoluta për Kosovën, u hoq nga rendi i ditës të parlamentit nga Rama