Dy shtetas algjerian janë arratisur të enjten pasdite nga Qendra e Mbajtjes së Azilantëve në fshatin Vranidoll të Prishtinës.

Ngjarja është raportuar menjëherë tek autoritetet, ndërsa njësitet relevante policore kanë nisur hetimet për zbardhjen e rrethanave.

Sipas informacioneve zyrtare, dy të dyshuarit janë të gjinisë mashkull dhe ndodhen aktualisht në kërkim. Lidhur me rastin është njoftuar edhe prokurori i shtetit, i cili po e ndjek çështjen në koordinim me Policinë e Kosovës.

Autoritetet nuk kanë bërë të ditur se si ka ndodhur arratisja, ndërsa nuk dihet ende nëse personat e arratisur përbëjnë ndonjë rrezik të drejtpërdrejtë për qytetarët.

Rasti është ende nën hetim.

LEXONI GJITHASHTU:

• Kurti: Rritja e pranisë në kufirin Kosovë-Serbi reagim ndaj “Defender Europe”
• Macron: Franca do ashpërsojë qëndrimin ndaj Izraelit, nëse bllokimi i ndihmave vijon