“Arrest shtëpie’ për ish-kryeministrin, reagon Shkëlzen Berisha

Shkëlzen Berisha ka reaguar në lidhje me vendimin e GJKKO për vendosjen e masës së sigurisë ‘arrest shtëpie’ për të atin Sali Berisha.

Në një postim që ka bërë në rrjetet sociale, Berisha tha se arrestimi dhe izolimi i liderit të opzoitës është kartolina e Edi Ramës për vitin e ri.

“Kartolina e Ramës për Vitin e Ri është arrestimi dhe izolimi i liderit të opozitës”-shkruan ai.

Sali Berisha do të vendoset në ‘arrest shtëpie’ dhe nën mbikqyrje policore, ka vendosur sot Gjykata e Posaçme.

Ndaj ish-kryeministrit kjo masë u mor sot nga GJKKO pas moszbatimit nga ana e tij të vendimit po të kësaj gjykate për ‘detyrim paraqitje’.

Berisha do të jetë i detyruar të qëndrojë në shtëpi dhe të mos ketë komunikim me asnjë person tjetër që nuk jeton me të, ndërsa zbatimi i masës do të jetë dhe nën mbikqyrje policore.

Ish-kryeministri dhe lideri i demokratëve akuzohet për korrupsion pasiv pasi po hetohet për çështjen e kompleksit Partizani, çështje për të cilën u prangos dhe u lirua më pas në masë ‘arrest shtëpie’ dhe dhëndrri i tij Jamarbër Malltezi.

LEXONI GJITHASHTU: 

• GJKKO lë në arrest shtëpie Berishën, ku ndodhet ish-kryeministri
• Spanja dorëzon detyrën, Belgjika nis kryesimin e BE-së