Arrestimi i Bajrit, reagon Balla: Përgëzoj oficerët e përfshirë në këtë operacion

Është arrestuar në Francë në kuadër të operacionit “Metamorfoza” Behar Bajri, i cili ishte shpallur në kërkim ndërkombëtar.

Në lidhje me këtë ka reaguar edhe ministri Taulant Balla, i cili përgëzoi oficerët e përfshirë në këtë operacion,  për profesionalizmin e lartë dhe mbi të gjitha për sigurinë e plotë të informacionit sensitiv deri në finalizimin e operacionit

“Policia e Shtetit ka finalizuar një operacion të rëndësishëm jashtë Shqipërisë në bashkëpunim agjenci të tjera ligjzbatuese. Ky operacion domethënës është një pasqyrë e qartë e vullnetit të agjencive tona për ta goditur krimin dhe se askush nuk do mundet t’i shmanget drejtësisë.

Përgëzoj oficerët e përfshirë në këtë operacion, për profesionalizmin e lartë dhe mbi të gjitha për sigurinë e plotë të informacionit sensitiv deri në finalizimin e operacionit.

Dua të rishpreh besimin e plotë se forcimi i bashkëpunimit mes agjencive tona ligjzbatuese, me strukturat e vendeve partnere si dhe lufta e përbashkët do ta çojë Shqipërinë në një tjetër nivel të sundimit të ligjit”- shkruan Balla.

LEXONI GJITHASHTU: 

• Çekët për shopping në Poloni, qytetarët: Ushqimet e rrobat, 30% më lirë sesa në Çeki
• Rama: Ata që numërojnë si derra paratë e korrupsionit, të përballen me drejtësinë