Arrestimi i CEO-s së Telegram, Kremilini: Nuk dimë për çfarë akuzohet konkretisht

Kremlini deklaroi këtë të hënë se nuk ka pranuar asnjë informacion nga Franca lidhur me arrestimin e Pavel Durov, i cili është themelues i aplikacionit Telegram.

“Ne nuk e dimë se për çfarë konkretisht akuzohet Durovi. Nuk kemi dëgjuar asnjë deklarim zyrtar për këtë temë”, u tha gazetarëve zëdhënësi i Kremlinit, Dmitry Peskov.

“Para se të themi diçka, na duhet të presim që situata të qartësohet… Pa qartësim, do të ishte e papërshtatshme që të komentonim”, shtoi ai.

Durov, një prej ikonave më me ndikim në botë nga fusha e teknologjisë, u arrestua të shtunën, pasi po fluturonte për në një aeroport në periferi të Parisit.

Sipas një burimi të agjencisë AFP, OFMIN, një trup në Francë që merret me parandalimin e dhunës ndaj të miturve, kishte lëshuar një fletarrestim ndaj Durovit.

Ai akuzohet se ka dështuar që të ndërmarrë veprime për të ulur përdorimin nga kriminelët të platformës së tij.

Telegrami nga ana tjetër ka thënë se respekton ligjet e Bashkimit Evropian.

LEXONI GJITHASHTU:

• Arrestimi i bosit të ‘Telegram’, protestë në Moskë para ambasadës franceze
• Gjeniu që ka mbi 100 fëmijë, kush është themeluesi i Telegram i arrestuar në Francë