Arrestohen në “shtëpinë e barit” shqiptarët në Angli: Kishim borxhe për të shlyer

17 Janar 2024 | 09:43

Dy emigrantë shqiptarë në Britaninë e Madhe kanë rënë në prangat e policisë pasi u ndaluan në “shtëpi bari” në një pronë industriale të Neyland.

Mediat britanike kaë publikuar dhe emrat dhe fotot e shqiptarëve të cilët janë shtetasit Eduart Zhupa, 35 vjeç dhe Ergest Muçopata, 42 vjeç.

Në deklaratën e parë përpara autoriteteve shqiptarët deklaruan se punonin në fermën e kanabisit për të shlyer borxhet që kishin ndaj një bande kriminale që i çoi klandestinë në Britaninë e Madhe.

“Më duhet të jap sa më pak dënim që mundem me lig. Është e pritshme që ju të ktheheni në vendin tuaj të origjinës kur të keni vuajtur dënimin. Sa më e shkurtër të jetë koha në paraburgim në këtë vend, aq më mirë për taksapaguesit britanikë”, tha gjykatësi Huë Rees.

Gjatë operacionit oficerët zbuluan 814 bimë kanabis, të cilat kishin një rendiment të vlerësuar nga 22 kg deri në 68 kg kanabis. Kanabisi do të kishte një vlerë në treg midis 88,000 dhe 350,000 £ – në varësi të rendimentit.

“Të pandehurit – të cilët të dy nuk kanë vendbanim fiks – nuk kanë dënime të mëparshme në MB”, deklaroi prokurori Craig Jones.

Eduart Zhupa

Avokati Dan Griffiths, që përfaqësonte Eduart Zhupën zbuloi në seancë dhe borxhin që klienti i rij i kishte bandës kriminale që e transportoi në Britaninë e Madhe.

“Ai u trafikua në Mbretërinë e Bashkuar nga një bandë kriminale, i kishte një borxh të konsiderueshëm në proces bandës që e solli”, tha avokati.

Avokati i 42-vjeçarit Muçopata, tha: “Ai sapo kishte ardhur në Mbretërinë e Bashkuar, kishte përafërsisht dy javë në momentin kur u arrestua. Atij i ishte thënë që të shlyente borxhin për transportin me kamionin, do të mund të punonte në bujqësi, në një fermë bagëtish, me qëllim që ta shlyente”.

Ergest Muçopata

Avokati tha se shpenzimet mjekësore për gruan e sëmurë, si dhe kostoja e qerasë , e kishin detyruar 42-vjeçarin të emigronte në Mbretërinë e Bashkuar.

“Ai kërkonte të siguronte një jetë më të mirë për familjen”- tha avokati.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

SHBA-të shtrëngojnë kontrollin para Kupës së Botës, mbikëqyrje e veçantë për delegacionin iranian

Ndërsa afrohet fillimi i Kupës së Botës 2026, autoritetet amerikane kanë njoftuar kontrolle të hollësishme sigurie për të gjithë anëtarët e delegacionit iranian që udhëtojnë...
09:07 | 03/06/2026

Aksident i shumëfishtë në Levan-Tepelenë, përplasen 5 automjete

Një aksident i rëndë ka ndodhur të martën në aksin Levan-Tepelenë, në afërsi të fshatit Fratar. Pesë automjete janë përplasur mes tyre, përfshirë edhe një...
14:20 | 02/06/2026

Gjurmët e konfliktit rajonal në turizëm, Hotelet në Dubai ofrojnë zbritje dhe paketa speciale për të tërhequr turistët

Turizmi në Dubai po shfaq shenja rimëkëmbjeje pas muajsh pasigurie të shkaktuar nga konflikti rajonal me Iranin, por autoritetet dhe bizneset e sektorit të mikpritjes...
07:45 | 02/06/2026