Arrestohet 21-vjeçari, drejtonte makinën nën efektin e drogës dhe alkoolit

Shërbimet e policisë rrugore në Tiranë kanë arrestuar një 21-vjeçar pasi u kap teksa drejtonte automjetin nën efektin e drogës dhe alkoolit.

Në pranga u vu shtetasi A. F., 21 vjeç. Ky shtetas sipas policisë, gjatë kryerjes së veprimeve policore dhe administrative ka manifestuar sjellje të dyshimta në raport me kërkesat ligjore të punonjësve të Policisë.

Pas verifikimeve të kryera rezultoi në efektin e alkoolit, në masën 0.21 mg/l dhe nga verifikimi me drogëtestues rezultoi në efektin e lëndës droguese THC.

Sa më sipër, u bë menjëherë kapja në flagrancë e drejtuesit të automjetit, si i dyshuar për veprën penale “Drejtimi i automjetit në mënyrë të parregullt”.

LEXONI GJITHASHTU:

• U kap duke transportuar 27 kg kanabis, arrestohet 28-vjeçari në Elbasan
• Drogë dhe mijëra euro në makinë, arrestohet 43-vjeçari në Tiranë