Arrestohet 37-vjeçari, i gjenden 1 mijë fara kanabisi gati për shitje

Një 37-vjeçar është arrestuar nga policia e Vaut të Dejës pasi iu gjetën rreth 1 mijë fara kanabisi me qëllim shitjen e tyre për t’u kultivuar më pas.

Policia bën me dije se 37-vjeçari banues në Lezhë u arrestua në flagrancë në aksin Lezhë-Shkodër, teksa do të shiste farat e kanabisit që posedonte me vete.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Si rezultat i një hetimi proaktiv, të ndjekur për disa javë, në bashkëpunim me Prokurorinë e Shkodrës, Komisariati i Policisë Vau i Dejës, në bashkëpunim me Seksionin për Hetimin e Narkotikëve e DVP Lezhë, kapën në flagrancë dhe vunë në pranga shtetasin K. M., 37 vjeç, banues në Lezhë.

Nga kontrolli fizik i kryer në aksin rrugor “Lezhë-Shkodër”, këtij shtetasi iu gjetën 1000 fara cannabisi, të cilat i posedonte për t’i shitur, me qëllim kultivimin”, thuhet në njoftimin e policisë.