Arrestohet i dyshuari i tretë për vrasjen e futbollistit në Angli

Një person i tretë është arrestuar si i dyshuari i tretë për vrasjen e futbollistit anglez Cody Fisher, i cili u goditi për vdekje me thikë në një klub nate në Birmingham.

I dyshuari 22-vjeçar u arrestua në Londër rreth orës 3 të mëngjesit të kësaj të enjteje.

Policia e West Midlands tha se i riu tashmë do të merret në pyetje për vrasjen e futbollistit, i cili u godit me thikë në pistën e vallëzimit të klubit të natës The Crane në Digbeth, pak para mesnatës së 26 dhjetorit.

Detektivët kanë thënë gjithashtu se është gjetur një thikë, e cila dyshohet se është dhe arma e krimit.

Ky është arrestimi i tretë i dyshuar për vrasjen e futbollistit.

Fisher, 23 vjeç, u godit me thikë pak para orës 23:45 në mbrëmjen e 26 dhjetorit.

Pavarësisht përpjekjeve për ta shpëtuar, ai u konfirmua i vdekur rreth gjysmë ore më vonë.

Policia ka aplikuar në Këshillin e Qytetit të Birminghamit që licenca e klubit ku ndodhi krimi, The Crane të rishikohet dhe një seancë dëgjimore pritet të zhvillohet të premten për të shqyrtuar nëse do të mbyllet biznesi.

LEXO GJITHASHTU:

• Qëllohet me thikë në lokalin e natës, vdes futbollisti anglez
• Vrasja e futbollistit në Angli, arrestohen 2 personat e dyshuar