Zyra e Prokurorit të Specializuar ka konfirmuar se po kryen disa operacione në Kosovë këtë enjten. Raportohet se, me vendim të Gjykatës Speciale, janë arrestuar disa ish-zyrtarë dhe këshilltarë të ish-liderëve të UÇK-së, të cilët po mbahen në Hagë.

Bëhet me dije se është bastisur banesa e ish-ministrit të Drejtësisë dhe ish-nënkryetarit të PDK-së, Hajredin Kuci.

Sipas ZPS-së, procesi hetimor është përqendruar në vepra kundër administrimit të drejtësisë. Përmes një njoftimi të lëshuar në faqen zyrtare, Zyra e Prokurorit të Specializuar ka njoftuar se operacionet janë autorizuar nga ana gjyqësore e Dhomave të Specializuara dhe janë mbështetur nga EULEX-i.

Gjatë operacioneve janë arrestuar ish-komandanti i Ushtrisë Çlirimtare të Kosovës, Isni Kilaj, ish-shefi i Agjencisë Kosovare për Inteligjencë, Bashkim Smakaj dhe vëllai i dëshmorëve Fahri dhe Bahri Fazliu, Fadili.

LEXONI GJITHASHTU:

• Ish-kryetari i Lipjanit paraqitet në Hagë: Shkova pa dëshirën time
• Dëshmitë e rreme trondisin Hagën, avokati zbulon fabrikimet e Serbisë