Arrestohet për zjarrvënie 48-vjeçari në Durrës, flakët rrezikuan disa banesa

Një 48-vjeçar është arrestuar nga policia e Durrësit si dyshuar për një zjarrvënie të qëllimshme në fshatin Rrotull, Ishëm.

Nga zjarri që ndezi ky shtetas, u dogj një sipërfaqe toke me pemë e shkure dhe u rrezikuan të përfshiheshin nga flakët dhe disa banesa.

Ndërhyrja e menjëhershme e zjarrfikësve dhe shërbimeve të Policisë, mundësoi neutralizimin e flakëve të zjarrit.

Materialet procedurale i kaluan Prokurorisë së Durrësit, për veprime të mëtejshme, për veprën penale “Shkatërrimi i pronës me zjarr”.

Policia e Shtetit apelon për qytetarët që në asnjë rast të mos shkaktojnë zjarr, pasi do të përballen me ligjin.

“Si rezultat i hetimeve dhe veprimeve hetimore dhe operacionale të kryera nga shërbimet e Policisë, me qëllim përcaktimin e autorësisë së zjarrvënieve,  u bë e mundur identifikimi, kapja dhe arrestimi i shtetasit:

I. V., 48 vjeç, banues në fshatin Rrotull, Ishëm.Ky shtetas dyshohet se ka ndezur zjarr, për të djegur disa mbeturina dhe si pasojë e përhapjes së flakëve, është djegur një sipërfaqe toke me  pemë e shkurre dhe u rrezikuan dhe disa banesa”, thuhet në njoftimin e policisë.

EXONI GJITHASHTU:

• Shkaktoi zjarrin ku u dogjën 1000 ullinj, arrestohet 38-vjeçari (Emri)
• Arrestohet për zjarrvënie 64-vjeçari në Shkodër, ja dëmi që shkaktoi