“Arritjet në turizëm s’janë rastësi”, Balluku: U bë punë e jashtëzakonshme

Këtë të hënë po zhvillohet konferenca “Për sigurinë e turizmit në Shqipëri”, ministrja e energjetikës dhe  infrastrukturës, njëherazi zëvendës kryeministrja Belinda Balluku tha në fjalën e saj se arritjet e Shqipërisë në turizëm, nuk janë rastësore.

Sipas saj ndonëse thuhet se ky zhvillim erdhi sepse erdhi momenti, e vërteta është se “është bërë punë e jashtëzakonshme”. Ajo tha se në këtë vit pritet që të  kalohet numri i parashikuar i turistëve që do të vizitojnë Shqipërinë.

“Duhet thënë që kemi një fokus të qeverisë në sektorin e turizmit, gjë që kërkon të kemi një bashkëpunim dhe sinergji mes palëve. Unë duke përfaqësuar këtu portofolin e infrastrukturës dhe të energjisë do të thoja se ne do të fillojmë shumë shpejt operimin në qendrën e menaxhimit të trafikut. aty ku parashikohet të akomodohen të gjitha ato struktura që ndërhynë menjëherë duke shkurtuar kështu kohën e ndërhyrjes në territor dhe duke i shërbyer pa dyshim turizmit. Do kemi aty policinë, ARRSH-në, dhe gjithë ato trupa që duhet të marrtin informacion nga terreni.

Duhet thënë se ky sukses nuk ka ardhur ashtu siç mundohen ta shesin. Nuk ka ardhur se i erdhi koha, por se është bërë punë e jashtëzakonshme nga qeveria shqiptare, nga institucionet, nga bashkitë kudo në vendin tonë dhe është bërë një promovim i vendit nga kryeministri Edi Rama. Ne e dimë shumë mirë se Shqipëria gëzon në arendën ndërkombëtare një vend të veçantë pikërisht nga ajo që kryeministri ynë kë bërë”,-tha Belinda Balluku.

LEXONI GJITHASHTU:

• Mbahet Konferenca e Sigurisë në Turizëm, Kumbaro: Institucionet të jenë në këmbë!
• Bizneset e turizmit rrisin fitimet/ Shitjet e pagat në restorante deri në 23%