Arsenal mbyll marrëveshjen me Gyokeres, futbollisti refuzoi Manchester United

Viktor Gyokeres do të transferohet te Arsenali, me palët që kanë arritur akordin me njëra-tjetrën, ndërsa sulmuesi suedez do të firmosë një kontratë 5-vjeçare.

U duk se çështja do të zgjaste dhe në fund pa zgjidhje, por mosbindja e Viktor Gyokeres u shpërblye, pasi Sportingu i Lisbonës ka vendosur ta lërë futbollistin të largohet, me këtë të fundit që do të jetë pjesë e Arsenalit.

Palët kanë arritur akordin dhe 27-vjeçari do të vendoset në ditët e ardhshme nën urdhrat e Mikel Artetës, ndërsa, siç është raportuar në mediat britanike, është bërë gjithçka që lojtari të mbërrijë sa më shpejt.

Gyokeres do të firmosë një kontratë 5-vjeçare, ndërsa portugezët do të përfitojnë plot 63.5 milionë euro dhe 10 të tjera në formë bonusesh.

Lojtari e kërkonte me ngulm largimin, madje bindi menaxherin e tij që të hiqte dorë nga komisioni i plotë, ndërsa thuhet që 2 milionë euro nga kartoni janë paguar nga vetë sulmuesi.

Sportingu i Lisbonës këmbëngulte vazhdimisht se futbollisti suedez kushton 100 milionë euro, por ishte vetë Gyokeres që i njoftoi drejtuesit se nuk do të kthehej më dhe se dëshironte vetëm Topcinjtë.

Manchester United bëri dy oferta për të, por lojtari refuzoi ti bashkohej Djajve të Kuq, e në këtë pikë fati ishte me Gunners-at.

Gyokeres pritet të prezantohet në ditët në vijim, ku do të hedhë firmën në letër.

LEXONI GJITHASHTU:

• Gyokeres i mbyll derën “djajve”, Man United prezanton sulmuesin Mbeumo
• Bayern “çmendet” pas Gyökeres, gjermanët ofrojnë miliona euro për suedezin
• Shkëndija shkëlqen ndaj Steauas në Champions, Ballkani dominon në Conference League
• FIFA gjobit FSHF-në për ndeshjen Shqipëri-Serbi