Arsenal shkatërron Tottenham-in 4-1 dhe shkëputet në krye

Arsenal mori fitoren e radhës në kampionatin anglez, duke mposhtur Tottenham-in në derbi me rezultatin 4-1.

Skuadra e Artetës po tenton të shkëputet, ndërsa ndodhet në krye të klasifikimit, 6 pikë larg vendit të dytë, që mbahet nga një tjetër skuadër e qytetit, Chelsea.

Trossard kaloi në avantazh “gooners”-at, ndërsa Eze dyfishoi brenda fraksionit të parë.

Ky i fundit do të regjistronte tripletë, pasi realizoi edhe dy herë të tjera në pjesën e dytë, duke vulosur rezultatin 4-1.

Për “spurs”-at, golin e vetëm e gjeti Richarlison, pas një goditje nga distancë e largët. Një realizim perfekt, por që nuk vlejti për asgjë, pasi Tottenham u mposht 4-1.

Arsenal ka aktualisht 29 pikë, qëndron në vendin e parë dhe udhëheq kampionatin prej javësh.

Londinezët janë mbrojtja më e mirë e ligës, ku kanë shënuar 24 herë dhe kanë pësuar vetëm 6 gola.

Dueli i radhës është ai ndaj Chelsea, një tjetër derbi i zjarrtë londinez, ndërsa diferenca mes dy ekipeve në tabelë është 6 pikë.