Arsyet që i shtyjnë njerëzit të mashtrojnë sipas psikologes

Psikologia Lenida Halili shpjegoi në emisionin ‘Sot’ në Euronews Albania disa nga arsyet që i shtyjnë njerëzit të mashtrojnë.

Përrallat kanë ndikimin e tyre në dhënien një modeli sjelljeje, shpjegoi psikologia, ndërsa theksoi se në rastin tonë lidhet disi edhe me kulturën shqiptare.

Tendencën për t’u korruptuar shpejt psikologia e lidhi edhe me një lloj mangësie ekonomike të shoqërisë sonë trashëguar nga para viteve ’90, e cila në një mënyrë ka nevojë të kompensohet.

“Lidhet pak me kulturën shqiptare; pjesa më e madhe e shqiptarëve kanë punuar ose punojnë në administratë që është analizuar gjerësisht se individi nuk punon intensivisht 8 orë, është mekanizëm më pak aktiv se në privat. Mungesa e të ardhurave para viteve ‘90, kemi një lloj mangësie që duam ta kompensojmë. Kemi edhe tendencë të korruptohemi lehtë, pranojmë më lehtë një zgjidhje informale se sa sipas procedurave”, tha psikologia.

LEXONI GJITHASHTU:

• Rreth 40 milionë njerëz në SHBA kanë rënë viktimë e mashtrimeve, thotë Civici
• Shtohen rastet e mashtrimeve, vlera deri në mbi 700 mijë euro