Gazetari Artan Hoxha tha në emisionin Now në Euronews Albania se ato që po quhen prova të reja për 21 janarin janë në fakt indicie që duhet të çojnë prokurorinë te prova.
Hoxha u shpreh se ka verifikuar shumë mirë materialin që ka marrë përpara se ta publikojë si provë gazetareske, që si provë juridike duhet të vlerësohet nga prokurori.
Ai theksoi se provë është predha e ish-gardistit Agim Llupo e gjetur në trupin e Ziver Veizit apo predha në kokën e Aleks Nikës.
“E kam nxjerrë si provë gazetareske, si provë juridike e vendos prokurori. Predha që është gjetur në kokën e Aleks Nikës është dëmtuar me mjete të forta që të mos bëhet identifikimi i armës është çuar për ekspertizë në FBI dhe është riçuar në Itali. Kjo çështje për mua hetohet fare kollaj. Kur unë e gjej fare kollaj këtë provë, më duke e pabesueshme që të kesh gjithçka në dorë, polici e SHISH e të mos gjesh dot këtë provë”, tha Hoxha.
LEXONI GJITHASHTU: