Artan Hoxha: S’kam besim te SPAK, provat që nxora po përdoren nga politika!

Gazetari Artan Hoxha tha në emisionin Review në Euronews Albania se njerëzve që janë në pushtet nuk u intereson të zbardhet krimi i 21 janarit, por mjaftohen të akuzojnë çdo vit Sali Berishën.

Sipas Hoxhës, nga ana e Prokurorisë nuk janë bërë kërkimet e duhura për t’i gjetur këto prova që kanë ekzistuar dhe nuk janë nxjerrë kurrë në dritë.

“Garda në këtë rast ka përdorur një kanal të caktuar komunikim me drejtuesit e gardës, ka qenë ai që më vonë u quajt grupi i zjarrit. Regjistrimi ka urdhrat që janë dhënë. Kasetën origjinale të 21 janarit s’e kam dorëzuar kurrë. Dhe në një vend kur ti çon materiale për afera korruptive të këtyre që janë sot, e çon te SPAK dhe SPAK s’lëviz, si të kem pikë besimi. Kjo sot po përdoret politikisht, mua politika nuk më intereson fare”, tha Hoxha.

LEXONI GJITHASHTU:

• Provat për 21 janarin/ Artan Hoxha: Prokuroria duhet të vijë tek unë, jo e kundërta
• Fakte të reja për 21 janarin, Artan Hoxha: Ja ku i çova së pari provat