Artet e aplikuara dhe në veçanti pikturat e rrugës përgjatë kësaj vere kanë tërhequr interesimin e turistëve që vizitojnë Gjirokastrën. Krahas mjeshtërive tradicionale arti i rrugës ofron punime tërheqëse për turistët të cilët i preferojnë si suvenire në përfundim të vizitës në qytetin e gurtë.

“Piktura gjithmonë është pjesë e qytetit tonë sepse po të shikosh edhe pamjen e qytetit është gjithmonë piktoreske, por ky art si hera e parë për mua është vlerësuar shumë dhe nga turistët vendas dhe të huaj, dhe nga banorët e qytetit, është bërë një bashkëpunim i mirë midis nesh dhe tyre, japin dhe idetë e tyre, këshillat”.

Veçanërisht turistët e huaj i shikojnë me interes këto lloj punimesh të cilat lënë mbresa artistike të veçanta për ta

“Dje më ndodhi diçka e këndshme por dhe e lezetshme për mua, ishte një turiste turke dhe pse nuk bleu asgjë këtu thjesht shkoi në një pastiçeri dhe më solli një ëmbëlsirë dhe ishte diçka e veçantë për mua sepse nuk më kishte ndodhur diçka e tillë më vlerësoi si njeri por edhe si artiste në fund të fundit”, Joana Labi, artiste.

Mbështetja e artit të rrugës në qytete turistike si Gjirokastra do ta bënte më të këndshëm qëndrimin e turistëve duke prezantuar për ta edhe vlerat artistike

“Do të ishte diçka e mirë që përveç gurit dhe drurit të ishte dhe ky lloj arti i rrugës sepse do ti jepte edhe një vlerë më të bukur pazarit karakteristik, qytetit por edhe njerëzit do të ishin më të interesuar”,- Joana Labi, artiste.

LEXONI GJITHASHTU:

• Urdhër-arrest për Gonzales, lideri i opozitës akuzohet për “krime të rënda”
• Plagosja në Don Bosko, gazetari jep detaje: Autori po lëvizte në këmbë