Asgjësohen 1300 bimë kanabis në Postribë, në pranga dajë e nip

Policia e Shkodrës ka asgjësuar 1300 bimë narkotike kanabis sativa dhe ka vënë në pranga 2 persona dajë e nip për kultivimin e tyre.

Si rezultat i fazës së dytë të operacionit të koduar Postriba u arrestuan në flagrancë shtetasit Gj. M., 54 vjeç dhe F. K, 24 vjeç banues në Shkodër (dajë e nip).

Policia tha se 24-vjeçari kur ka parë se shërbimet e Policisë po futen në banesën e dajës së tij, ka shkuar në drejtim të kësaj banese, me një armë zjarri në dorë, për të kundërshtuar kontrollin e banesës si dhe që shërbimet e Policisë të mos asgjësonin bimët narkotike të kultivuara nga ky shtetas dhe daja i tij, shtetasi Gj. M.

Gjatë kontrollit në banesën e tyre policia sekuestroi 2 armë zjarri dhe municion luftarak.

LEXONI GJITHASHTU:

• Sekuestrohen armë, municon luftarak e kokainë në Korçë, 2 të arrestuar (EMRAT)
• Europol arreston 33 persona, mes tyre dhe shqiptarë. Sekuestrohen 18.5 mln €