“Asnjë cent nga Rusia!” Basha flet për akuzat e financimit të PD me rublat ruse

Ish-kreu i Partisë Demokratike Lulzim Basha në një intervistë për Euroneës Albania mohoi në mënyrë që kategorike se PD apo ai kur ishte në krye të kësaj partie të ketë përdorur para nga financim i huaj e aq më tepër rus.

Basha u shpreh se PD ka qenë gjithmonë në krah të aleatëve më të mëdhenj SHBA, për të cilët siç tha, kanë bërë edhe sakrifica të dhimbshme duke iu referuar përjashtimit të Sali Berishës nga grupi i PD kur u shpall non grata.

“Nuk besoj në baltën në politikë, faktet kanë dalë dhe janë ato që unë kam shprehur prej fillimit; as PD as unë s’kemi përdorur asnjë cent financim të huaj aq më tepër rus. Kemi qenë në krah të aleatëve, kemi bërë edhe zgjidhej të dhimbshme të vështira për të qenë në krah të SHBA. Kur faktet flasin vetë, futja në një betejë baltosjeje s’ka më vend, e vërteta po shpaloset çdo ditë. E vetmja gjë që duhet është që kjo e vërtet të shërbejë për të mbyllur plagët jo të keqpërdoret politikisht. Kjo duhet të shërbejë për të mbyllur politikën e vjetër, shkatërrimin e kundërshtarit politik”, tha Basha.

LEXONI GJITHASHTU:

• Basha flet për McGonigal: Manovër për të më baltosur, s’është hera e parë
• Lulzim Basha në Euronews Albania, flet për lidhjen familjare me Kosovën