Asnjë rast me hepatit akut në Shqipëri, mjekët: Shfaqet me verdhëz

Numri i rasteve me hepatit akut të fëmijëve në Evropë është rritur. 191 fëmijë janë prekur në vende të ndryshe të botës, pjesa më e madhe në Mbretërinë e Bashkuar.

Në Shqipëri nuk ka asnjë rast të dyshuar, konfirmon shefja e epidemiologjisë në ISHP.

“Ne monitorojmë verdhëzën, sepse hepatiti shfaqet me verdhëz dhe monitorojmë edhe raportimet e mjekëve, nga të dyja llojet nuk kemi asnjë të dhënë që mund të kemi raste me hepatit akut”, tha Bino.

Simptomat janë të ngjashme me një rrufë të zakonshme.

Ka disa dyshime sesi hepatit akut mund të transmetohet nga njëri fëmijë tek tjetri.

“Një supozim është rruga fekal-orale dhe rruga respiratore. Në përgjithësi fëmijët nuk bëjnë hepatite akute në forma të rënda kjo është arsyeja se për se është ngritur alarmi”, u shpreh Bino.

Hepatiti mund të nisë me dhimbje muskujsh, lodhje, temperaturë e diarre. Kur këto shenja zgjasin më shumë se dy ditë rekomandohet që fëmijët të dërgohen tek mjeku i familjes, e më tej të kryhen analizat e gjakut.

Shumica e pacientëve në botë janë shëruar, por disa të tjerë kanë kryer transplant të mëlçisë.

LEXONI GJITHASHTU:

• Rriten rastet me hepatit akut në Europë
• Verdhëza është një nga simptomat e hepatitit, thotë drejtoresha e ISHP