Atalanta i thotë lamtumirë Champions-it, Club Brugge shkruan historinë

Atalanta i ka dhënë lamtumirën Ligës së Kampionëve pas një humbjeje surprizë 1-3 ndaj Club Brugge, në një mbrëmje dramatike për futbollin italian, ku u eliminua edhe Milani.

Dita e eliminimeve për italianët

Në ‘San Siro’, Milani barazoi 1-1 me Feyenoord, por fitorja 1-0 e holandezëve në ndeshjen e parë i siguroi këtyre të fundit një vend në fazën tjetër.

Pavarsisht avantazhit të shpejtë të Gimenez për kuqezinjtë, dalja me karton të kuq e Theo Hernández në minutën e 51 ndikoi në ecurinë e lojës. Barazimi i mëvonshëm nuk mjaftoi për të shmangur eliminimin.

Ndërkohë, Atalanta, edhe pse dominoi përballjen me Club Brugge në Bergamo, u ndëshkua nga efikasiteti i jashtëzakonshëm i belgëve, të cilët shënuan tre herë në pjesën e parë.

Rezultati e bëri të pamundur përmbysjen, edhe pse Ademola Lookman shpresoi me një gol të shpejtë në pjesën e dytë dhe më pas humbi një penallti vendimtare.

Skuadrat e para të kualifikuara

Pas ndeshjeve të fazës “play-off”, tashmë janë konfirmuar katër skuadrat e para që kalojnë në 1/8 e finales: Feyenoord, Club Brugge, Bayern Munich dhe Benfica.

• Bayern Munich siguroi kualifikimin me një barazim 1-1 ndaj Celtic, duke përfituar nga fitorja 2-1 në ndeshjen e parë. Goli i Alphonso Davies në sekondat e fundit vulosi fatin e sfidës.
• Benfica dhe Monaco dhuruan një përballje spektakolare me gjashtë gola (3-3), por ishte skuadra portugeze ajo që kaloi më tej falë triumfit 1-0 në ndeshjen e parë.

Me këto rezultate, evropiani i madh i futbollit vijon me fazën tjetër, ndërsa eliminimet e Milanit dhe Atalantës janë një goditje e rëndë për futbollin italian në këtë edicion të Champions League.

AC Milan 1 – 1 Feyenoord

Atalanta 1 – 3 Club Brugge

Bayern Munich 1 – 1 Celtic

Benfica 3 – 3 Monaco

LEXONI GJITHASHTU:

• Milani eliminohet nga Liga e Kampionëve, kualifikohet Feyenoordi
• Champions League: Finale e parakohshme Real-Man City, në fushë dhe PSG e Juventus