Atentati ndaj Ermir Dedjas, identifikohen dhe shpallen në kërkim dy persona

Burime për Euronews Albania bëjnë me dije se Policia e Durrësit ka identifikuar dhe ka shpallur në kërkim dy persona lidhur me atentatin ndaj 29 vjeçarit Ermir Dedja, i vili u vra në lagjen numër 18 të qytetit bregdetar.

Sipas informacioneve, hetimet po vijojnë në rrugën e duhur për zbardhjen e ngjarjes si dhe identifikimin e personave të përfshirë në këtë atentat. Grupi hetimor bën me dije se dy përsonat e identifikuar dhe të shpallur në kërkim kanë siguruar automjetin duke bashkëpunuar me ekzekutorët të cilët dyshohet të kenë qenë dy persona të tjerë.

Nga ana tjetër, ekspertët e kriminalistikës kanë arritur të gjejnë prova nga automjeti i djegur në Gërdec, dhe i kanë dërguar në laboratorin e kriminalistikës dhe presin rezultatet e analizave.

Për shkak të angazhimit intensiv që ka pasur 29-vjeçari në aktivitete të ndryshme kriminale gjatë viteve të fundit, policia ka ngritur disa pista hetimi të cilat janë bërë shkak të ekzekutimit të Ermir Dedjas, personazh i njohur jo vetëm për policinë lokale.

Ermir Dedja u qëllua për vdekje në orët e vona të mbrëmjes së ditës së hënë. Ai mori nje plumb në gjoks duke i shkaktuar vdekjen e menjëhershme.

LEXONI GJITHASHTU:

• Dosja “Toyota Yaris”, GJKKO jep vendimin për avokatin Radovan Çela
• Operacion kundër terrorizmit në Fushë Kosovë dhe Malishevë, arrestohen 2 persona