“Atentati” në Elbasan/ Kunati i Alibejt: S’kam lidhje, dikush do të më bëjë keq

Arben Spahiu 53 vjeç dhe Arsen Preçi 44 vjeç janë marrë disa herë në pyetje në lidhje me mjetin BMW X6, brenda të cilit u gjetën 3 armë zjarri si dhe dokumente të falsifikuara që i përkisnin Spahiut.

Ata kanë mbajtur deklarim mohues përballë këtyre fakteve. Burime për Euronews Albania bëjnë me dije se Spahiu ka pohuar se nuk ka dijeni për mjetin e vjedhur dhe armët që u gjetën pranë banesës së tij.

Ndërsa në lidhje me dokumentet e falsifikuara greke me foton e tij, Spahiu ka thënë se mund të jenë vendosur nga dikush që ka dashur t’i bëjë keq.

Prokuroria e Elbasanit po heton ngjarjen nëse ky grup ka lidhje me Erion Alibej, kunatin e Arben Spahiut.

Nëse provohet ky fakt, atëherë dy të pandehurit do të merren nën hetim nga SPAK si pjesë e grupit të strukturuar kriminal.

LEXONI GJITHASHTU

• “Atentati”/ BMW-ja u vodh në Shkodër, zbulohet ID false që lëvizte kunati i Alibej
• Dyshime për atentat në Elbasan, policia zbulon makinën me armë dhe lëndë djegëse
• “Porosia erdhi nga burgu”- kush është shenjestra e atentatit të dështuar në Elbasan