Autobusi me turistë nga Shqipëria përfshihet në një aksident të rëndë në Itali

Një autobus i vogël me turistë nga Shqipëria është përfshirë në një aksident të rëndë rrugor pasditen e kësaj të shtune në Itali.

Sipas informacioneve paraprake të publikuara nga Meridionews.it, automjeti po lëvizte në provincën e Katanias, nga Zafferana Etnea në drejtim të Santa Venerina.

Nuk dihen ende shkaqet e aksidentit, ndërkohë që media italiane shkruan se autobusi mund të ketë pësuar një defekt në frena.

Zjarrfikësit, ekipet e policisë dhe autoambulancat shkuan menjëherë në vendngjarje për të dhënë ndihmën e parë.

Si pasojë e aksidentit kanë mbetur të plagosur 16 persona, disa prej të cilëve janë dashur të transportohet me autoambulancë në spital.

Fatmirësisht asnjë prej të aksidentuarve nuk është në gjendje të rëndë.

LEXONI GJITHSHTU:

• Aksident me Jet Ski në Dhërmi, transportohet me urgjencë për në spital 33-vjeçari
• Audi përplaset me Benzin dhe makinat e parkuara, pamje nga aksidenti masiv në Lezhë