Avokati: Alda Klosi nuk u lirua nga amnistia, por sepse i mbaroi dënimi i përcaktuar

Avoktati Redi Ramaj ishte mëngjesin e kësaj të premteje në “Good Morning Albanians” për të folur për amnistinë penale, e cila u miratua në seancën e ditës së djeshme në Kuvendin e Shqipërisë me 116 vota pro dhe 1 kundër.

I pyetur nëse Alda Klosi ka përfituar nga amnistia penale, Ramaj tha se ajo është liruar për shkak se dënimi i parë “ shpërdorim detyre” ka përfunduar, ndërsa shtoi se për dënimin për “pastrim parash”, Klosi nuk përfiton, pasi kjo vepër penale nuk është e përfshirë në amnisti.

“Për rastin e zonjës Klosi, ditën e djeshme ajo ka mbaruar një dënim që i është caktuar për shpërdorim detyre. Fakti që disa vepra penale si fshehja e pasurisë nuk është përfshirë si nen, kjo do të thotë se zonja Klosi për këtë pjesën e dytë nuk përfiton. Duke qenë se dënimi i parë ka mbaruar, në varësi të veprës penale ajo nuk përfiton nga amnistia”,-tha avokati Ramaj.

Klosi u dënua nga gjykata me 2 vjet e 6 muaj, ku pas gjykimit të shkurtuar i duhej të kalonte në institucionin e vuajtjes së dënimit 20  muaj.

LEXONI GJITHASHTU:

• Arian Çani: Rama po i jep një dorë Bardhit, si po luan kryeministri
• “Dështim spektakolar”, Muçi: Unë kam marrë dy ish ministra të pandehur për vjedhje