Avokati Artan Murrizi i cili është edhe avokati që përfaqëson protestuesit e opozitës, tha në deklaratën për mediat ku u shfaq së bashku me Enkelejd Alibeajn se asnjë nga protestuesit nuk përfiton nga amnistia penale.

Sipas tij në amnistinë e miratuar ditën e djeshme në Kuvendin e Shqipërisë me 116 vota, pro, është luajtur me paragrafët. ndërsa ka theksuar se vepra penale për të cilën akuzohet protestuesit nuk është e përfshirë në amnisti.

“Mund të konfirmoj se asnjë prej tyre nuk përfiton nga amnistia e djeshme. djalli fshihet në procedurë, është për rastin tonë. Ajo që është kaluar dje , është luajtur me paragrafët e neneve për të cilët janë akuzuar protestuesit. Protestuesit, të gjithë pa përjashtim janë akuzuar për “kundërshtim i punonjësve të policisë” i parashikuar nga neni 236 në paragrafin e dytë.

Ndërkohë amendamenti që u miratua ditën e djeshme, teksualisht thotë “ paragrafi i parë i nenit 236” unë kam disa vendime si dhe statistika, për të gjitha protestat dhe akuza në ngarkim të tyre tashmë me vendimin përfundimtar të shkallës së parë janë deklaruar fajtorë, është “kundërshtimi i punonjësit të policisë së rendit publik”, tha avokati i cili lexoi edhe shembuj.

LEXONI GJITHASHTU:

• Manjani komenton raportin e SPAK: Nuk janë bërë për “ish-a”, por për ata në zyra
• VIDEO| Zjarr masiv në Sarandë, digjet godina historike e “Bar Lulishtes”