Avokati: Çështja Beleri vuri në dukje problemet e gjyqësorit shqiptar, politike…

Avokati Redi Ramaj ishte këtë të martë në “Now me Erla Mëhillin” ku tha se çështja e Belerit ka nxjerrë në pah problemet e gjyqësorit Shqiptar.

Ai tha se e gjithë çështja është politike, dhe sipas tij, është “sulm” nga kryeministri Rama, ndaj të vetmit kandidat të opozitës të cilin mund ta “sulmonte hapur”.

“Çështja e zotit Beleri, mendoj se ka nxjerrë në pah një sërë prolematikash të politikës shqiptare, të gjyqësorit shqiptar por edhe të marrëdhenieve tona me Greqinë. Unë nuk e shikoj as diplomatike dhe as diçka tjetër, unë e shikoj më tepër politike.

E shikoj si një sulm të hapur të kryeministrit ndaj një kandidati të opozitës, i cili ndër të vetmit 50 e ca bashki, gjeti një kandidat të cilin mund ta sulmonte hapur. Ishte një kandidat me precedentë penalë, me rekorde kriminale dhe akuzohej pa u hetuar asnjëherë për masakrën e Peshkëpisë. Ky personazh sulmohet barbarisht dhe përdoret politikisht për të gjetur mekanizmat për të fituar bashkinë e Himarës”,-tha avokati Redi Ramaj.

LEXONI GJITHASHTU:

• “Po bën gabim të madh”, Iljazaj debat me gazetarin grek: Po i prish punë Belerit
• Ministria e jashtme greke: Vendimi për Belerin shkel parimet e shtetit të së drejtës