Avokati denoncon zhdukjen e 13-vjeçarit! Serjani: Doli përsëri për lypje

Puna e fëmijëve për arsye nga më të ndryshmet është një problem botëror, i pranishëm edhe në Shqipëri sidomos për sa i përket disa komuniteteve të caktuara.

Përgjithësisht janë arsyet ekonomike ato që i detyrojnë fëmijët që të punojnë në moshë të mitur, për rrjedhojë edhe të shfrytëzohen apo të trafikohen.

Gentjan Serjani, avokat i të drejtës sociale tha në emisionin GoodMorning Albanians në Euronews Albania se ajo i shtyn fëmijët romë në rrugë është reagimi për mbijetesë dhe jo mentaliteti për të jetuar në ato kushte.

Ai denoncoi rastin e një 13-vjeçari në situatë rruge i cili pas largimit nga institucioni shtetëror u rikthye sërish në rrugë dhe sot nuk ka asnjë gjurmë nga ai.

“Rasti i Sebastianit, të riut që po godiste motorin. Për një gjë shumë banale ai fëmijë është sot sërish në rrugë, dhe është vendosur në një institucion shtetëror, është larguar sepse nuk e duronte dot për shkak  të kushteve dhe mbipopullimit. Është kthye në rrugë sot dhe kam ditë që e kërkoj për ta takuar dhe kam frikë mos e shfrytëzojnë grupet kriminale. Kur plotësuam dokumentacioni dhe e çuam në bashki për bonusin e qirasë, dokumentacionin e çuan në njësinë e gabuar. Kjo e detyron atë të kthehet sërish në rrugë dhe rikthehet nga e para gjithë kompleksiteti i situatës”, tha avokati.

LEXONI GJITHASHTU:

• Sot Dita Botërore kundër Punës së Fëmijëve
• “Të miturit duhet të punojnë deri 4 orë dhe jo punë të dëmshme”- sqaron avokati