Avokati: E gabuar juridikisht masa ndaj Berishës pa iu drejtuar parlamentit

Avokati Eramal Ahmataj ishte i ftuar mbrëmjen e kësaj të shtune në selinë blu, ku komentoi nga pikëpamja juridike dhënien e masës “Dertyrim paraqitje” për ish-kryeministrin Sali Berisha.

Ahmataj tha se është ende i paqartë argumenti që GJKKO ka dhënë në lidhje me ndalimin e lëvizjes për deputetin Sali Berisha.

Ai theksoi se neni 73 i Kushtetutës ndalon gjykatën që në asnjë rrethanë të kufizojë lëvizjen e deputetit pa marrë më parë miratimin e parlamentit.

“Nuk mund të kufizohet liria e një deputeti të Republikës së Shqipërisë në asnjë lloj forme pa marë miratimin e parlamentit. Kjo pjesë nuk e di si është konsideruar nga GJKKO, e cila ka pronuar kërkesën e SPAK për të vendosur masën e sigurisë ndaj deputetit të Republikës së Shqipërisë. Kam përshtypjen që do mbajë goxha debat caktimi i kësaj mase dhe apelimi që do t’i bëjnë avokatët e Berishës në apelim. Nuk mundet në asnjë lloj forme të kufiozhet liria e deputetit.

Është gabuar për caktimin e masës ndaj Berishës pa iu drejtuar Kuvendit të Shqipërisë. Nuk e di arsyetimin e gjykatës kur ka pranuar kërkesën por duket shumë qartë që Kushtetuta e ndalon ta shpallësh këtë masë në këtë lloj forme”, tha ai.

LEXONI GJITHASHTU:

• FOTO-LAJM/ Momenti i arrestimit të Jamarbër Malltezit në aeroportin e Rinasit
• Ku i gjeti milionat Malltezi që ndërtoi kompleksin? Përgjigjet Berisha
• A ke frikë nga burgu? Berisha: I përgatitur për çdo gjë, do qëndroj me gjithë forcën