Avokati: Procesi për vulën e PD-së mund të zvarritet me vite

Rezart Kthupi, një nga përfaqësuesit ligjor të Partisë Demokratike, të përfaqësuar nga Enkelejd Alibeaj, foli në Euronews Albania në lidhje me ‘sagën’ e nisur në gjykata në lidhje me vulën e PD-së.

Kthupi tha e procesi i nisur në gjykata mund të zgjasë me vite, por shtoi se pala e tij është e gatshme për një përgjigje përfundimtare sa më të shpejtë nga Gjykata e Lartë.

Ai i bëri thirrje  Gjykatës së Lartë ta shqyrtojë çështjen brenda afatit 30-ditor, pas ankimit që pritet të bëhet nga përfaqësuesit ligjor të Sali Berishës.

“Nëse është në çështjen e vullnetit tonë, është e lutur Gjykata e Lartë që ta shqyrtojë çështjen brenda afatit 30-ditor. Ne duam t’i japim zgjidhje në themele kësaj çështjeje nuk duam ta zvarrisim. Ne duam t’i japim një zgjidhje përfundimtare që njerëzit të qartësohen se kush është drejtuesi legjim i Partisë Demokratike. Nëse Gjykata e Lartë e shikon të mundshme, brenda 30-ditëve të shqyrtohet çështja, ne jemi shumë të gatshëm. Nëse Gjykata e Lartë vendos që vendimi i Gjykatës së Apelit është në fuqi, i takon palës tjetër që të depozitojë kërkesën në Gjykatën e Shkallës së Parë”, tha ai.

LEXONI GJITHASHTU:

• Zbardhet fjala e Gazment Bardhit në mbledhjen me dyer të mbylla të Kryesisë së PD-së
• Alibeaj zbulon në mbledhjen e Kryesisë 3 objektivat e PD: Të dalim me një kandidat